關於部落格
  • 27

    累積人氣

  • 0

    今日人氣

    0

    追蹤人氣

【平價精選】DIY氣墊粉盒,製作完全適岩你既氣墊粉(內含氣墊粉使用小TIPS)...

http://2.bp.blogspot.com/-SRyv31QbYOk/UpFMAo6CRYI/AAAAAAAAAh0/vjP0_Gbw-7k/s1600/IOPE+Air+cushion+XP+Foundation+SPF50+PA+C23+Review+(4).JPG

市面上推出左好多不同既氣墊粉,各大韓國品牌都爭先推介自己果隻氣墊粉。由於都係較為近年先興起既新技術、新產品,所以市面上既氣墊粉一般都係中高價位,就算對於筆者呢種做左好幾年野既妹妹黎講,買盒氣墊粉都覺得幾肉赤。

而且市面上既氣墊粉一般顏色選擇較少,最多都係2-3隻色,而且顏色偏向適合膚色較白既妹妹,比較健康膚色可能就同氣墊粉無緣了。

有鑑於市面上既氣墊粉未必能夠切合到各位妹妹既需要,筆者就介紹以下呢個產品比各位。
http://i1302.photobucket.com/albums/ag127/makeyouuppp/REGULAR5BE672695716_zpsf55c0c75.jpg
~~~DIY氣墊粉盒~~~
佢既特點係買到返黎,佢就真係得一個粉盒(內有:外盒,內盒,海棉,氣墊粉撲),換句話即係呢個氣墊粉盒既化妝品係要你自己調教!
用你用開既粉底液/BB CREAM,再加入你覺得有需要既護膚品,例如:面霜,爽膚水等。撈勻佢,放返個海棉上去,就可以用到最適合你自己既粉底架啦!

例如筆者因為本人要極度保濕加控油,筆者用左自己常用既兩種BB CREAM+粉底液,配上控油面霜(有時會用作base)同保濕面霜,加左少少液體狀既遮瑕膏同爽膚水。
比例大概係-粉底液1.5:1護膚品,遮瑕膏適量,千祈唔可以多!

撈完出黎引唔住即刻拍上面試下,果然非常薄,而且涼涼地咁樣,可能因為有護膚品既成份啦!從此就成為左我既最愛~~

最重要一樣野!呢個氣墊粉盒,只係賣HK$58!!!!
相比起市面上既氣墊粉,個個都話百幾二百蚊,甚至有d真係攞你命3000,夠膽賣成$4XX。。。問心,筆者真係唔捨得買。我自己有用開既粉底液,只係用多幾十蚊配個氣墊粉盒,就可以用我自己喜歡既粉底液同護膚品,撈一盒完全適合自己既氣墊粉盒,真正適合自己,而且化妝同時護膚!

P.S. 氣墊粉既多少少詳情:
氣墊粉之所以吸引,除左因為韓風大熱,由韓國引入既氣墊粉技術可以化到韓妝既光澤感,亦都因為氣墊粉既粉底液(或BB CREAM)經過海棉既吸收,再以特製既氣墊粉撲既按壓,再塗上面,會比就咁用粉底液/BB CREAM都更貼薄。

唯一缺點係,因為氣墊粉底太薄,就咁上一層遮瑕度實在一般,除非你係皮膚好到加零一果d妹妹,如果唔係都建議你同筆者一樣,係有瑕疵既位置,上返少少遮瑕膏。

仲有仲有,韓國天氣比較乾燥,唔似得香港咁潮濕,韓國女仔化妝同氣墊粉,一般都唔會再上多層碎粉,因為佢地一出街已經乾晒。但香港唔一樣,如果我地唔上碎粉就出街,好容易因為氣墊粉既粉底液未乾,痴到成面都係塵,對我地皮膚係極之傷害!所以記得上完氣墊粉輕輕上返一層碎粉啦~

商品及相片提供:
IG : girlybuying_dress (http://www.instagram.com/girlybuying_dress)
有推薦甚麼鋼琴酒吧嗎?
相簿設定
標籤設定
相簿狀態